112 dagurinn og barnavernd
112 dagurinn var haldinn 11. febrúar sl. Markmiðið með deginum var að vekja athygli á starfi þeirra fjölmörgu aðila sem tengjast neyðarlínunni 112. Ísland tók þátt í þessum degi í fyrsta sinn, en víða í Evrópu hefur 11.2 verið notaður til að vekja athygli á neyðarnúmerinu og er haldinn árlega.Barnaverndarnefndir landsins og Barnaverndarstofa hafa verið í samstarfi við 112 í eitt ár. 589 tilkynningar bárust til nefndanna gegnum 112 árið 2004.
Almennt má segja að markmið dagsins hafi náðs. Mest var fjallað um ýmis konar neyðar- og björgunarstarf, svo sem eldvarnir, löggæslu ýmis konar og björgunarstörf. Einnig var nokkuð fjallað um starf barnaverndarnefnda víða um land. Á Ísafirði, Egilsstöðum, Árborg og Akureyri mættu barnaverndarstarfsmenn í viðtal í svæðisútvarpi og greinar birtust í staðarblöðum um starf nefndanna auk þess sem almennt var fjallað um starf neyðarlínunnar í útvarpsþáttum. Jafnframt var vakin athygli á plakötum um tilkynningaskyldu og símanúmerinu 112 auk þess sem grein birtist í Morgunblaðinu.