Starfsdagur Barnaverndarstofu með félagsmálastjórum og framkvæmdastjórum barnaverndarnefnda

12 des. 2005

Þann 3. des. sl. hélt Barnaverndarstofa starfsdag með félagsmálstjórum og framkvæmdastjórum barnaverndarnefnd. Markmið fundarins var að fjalla um málaflokkinn og þau verkefni sem framundan eru, ræða samstarf barnaverndarnefnda og Stofunnar auk þess sem Barnaverndarstofa kynnti stefnumarkandi áætlun sína fyrir árin 2005 – 2008.

Í samantekt í lok dagsins fjallaði Bragi Guðbrandsson, forstjóri Barnaverndarstofu, um nokkur þeirra atriði, sem rædd höfðu verið fyrr um daginn og sem þarf að skoða frekar.

1. Starfsálag þeirra sem vinna í barnavernd er mikið. Til að auka skilning á málaflokknum og fá fleira fólk til starfa þarf að huga að því hvernig unnt verði að lyfta barnaverndarmálunum upp í samfélaginu og gera barnaverndarvinnuna sýnilegri. Í því sambandi er nauðsynlegt að fleiri barnaverndarstarfsmenn tjái sig í fjölmiðlum um starfið, verkefnin og úrræðin.

2. Úrræðaleysi var fundarmönnum ofarlega í huga. Meðferðarheimilin sem rekin eru anna eftirspurn í dag, en skortur er á stuðningi og úrræðum í því umhverfi sem börnin búa. Barnaverndarstofa stefnir að því að koma á fót MST hér á landi, en eins og er hefur ekki fengist fjármagn til verkefnisins.

Fósturmálin eru að hluta samstarfsverkefni ríkis og sveitarfélaga. Fyrir tæpum tveimur árum byrjaði Barnaverndarstofa að þjálfa og mennta fósturforeldra samkvæmt PRIDE-kerfinu og stefnir að því að geta tekið í notkun framhaldsnám í sama kerfi.

3. Líkamlegt ofbeldi barna hefur fengið of litla athygli hjá barnaverndarstarfsmönnum og líklega er samfélagið allt í ákveðinni afneitun varðandi það. Því þarf að auka meðvitund um líkamlegt ofbeldi gegn börnum. Fyrir nokkrum árum síðan bauð Barnaverndarstofa bandarískum barnalækni, John Stirling, til landsins og var hann aðal fyrirlesari á ráðstefnu um þetta efni. Spurning er hvort ekki sé tímabært að bjóða honum aftur til landsins.

Alls tóku um 40 manns þátt í starfsdeginum, sem heppnaðist mjög vel. Var ákveðið að gera svona starfsdag að árlegum viðburði.

Nýjustu fréttir

09. ágú. 2022 : Störf laus til umsóknar

Barna- og fjölskyldustofa auglýsir eftir MST meðferðaraðilum og rekstrarstjóra á Stuðla

Lesa meira
Merki BOFS

13. júl. 2022 : Ráðning forstöðumanns í Barnahúsi

Margrét Kristín Magnúsdóttir hefur verið ráðin í stöðu forstöðumanns í Barnahúsi. 

Lesa meira

20. jún. 2022 : Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis.

Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis en þetta er tileinkað þeim tímamótum að liðin eru 90 ár frá setningu fyrstu barnaverndarlaga hér á landi og rúmlega 25 ár síðan Barnaverndarstofa nú Barna- og fjölskyldustofa var sett á laggirnar. Sigrún Harðardóttir skrifaði undir samninginn fyrir hönd Háskóla Íslands og Ólöf Ásta Farestveit fyrir hönd Barna- og fjölskyldustofu. Skipuð verður 6-8 manna ritnefnd. Áætlað er að fræðiritið komi út fyrri hluta ársins 2024. 


Þetta vefsvæði byggir á Eplica