Foster Pride námskeið
Í september verður haldið Foster Pride námskeið fyrir verðandi og starfandi fósturforeldra. Skilyrði til þátttöku er að viðkomandi hafi samþykki barnaverndarnefndar í heimilisumdæmi sínu sem fósturforeldri. Hægt er að skrá sig á námskeiðið þótt ekki séu komnar endanlegar dagsetningar.Samkvæmt 9. gr. reglugerðar um fóstur nr. 804/2004 ber umsækjanda að sækja námskeið á vegum Barnaverndarstofu áður en leyfi er veitt. Markmið með námskeiði er annars vegar að leggja mat á hæfni umsækjanda og hins vegar að veita umsækjanda nauðsynlega þjálfun og undirbúa hann undir hlutverk sitt.
Barnaverndarstofa hefur því fest kaup á afnotarétti á námskeiði sem kallast Foster- Pride sem er er bandarískt að uppruna og uppbyggt sem undirbúningsnámskeið fyrir fósturforeldra og mat á hæfni þeirra. Kennslufyrirkomulag er í fyrirlestrarformi, umræður, hópvinna, æfingar og heimaverkefni. Þar sem stefnan er að þeir sem hafa sótt námskeiðið gangi fyrir við val á fósturforeldrum er þeim boðið að taka þátt sem áður hafa fengið leyfi Barnaverndarstofu. Ef um hjón eða sambýlisfólk er að ræða er skilyrði að báðir sæki námskeiðið. Hámark þátttakenda á námskeiðinu eru 20 og mikilvægt að allir geti mætt alla daga námskeiðsins.
Markmið námskeiðsins er að gera fósturforeldra hæfari í hlutverki sínu. Lagðar eru áherslur á 5 megin hæfniskröfur sem eru að geta annast og alið upp barn, þekkja þroskaferli barns og mætt frávikum í því ferli, stuðla að tengslum barns við fjölskyldu þess, geta unnið í teymi og stuðlað að því að barnið myndi traust og þroskandi tengsl við fjölskyldu sem ætlað er að vara til frambúðar.
Þeir sem hafa áhuga á að skrá sig á námskeiðið hafi samband við Hildi Sveinsdóttir á Barnaverndarstofu, hildur@bvs.is
