Starfsdagar meðferðaheimilanna og Stuðla á Hótel Rangá

20 mar. 2006

Dagana 23. og 24. mars 2006 halda Barnaverndarstofa, meðferðarheimili hennar og Stuðlar sína árlegu starfsdaga. Slíkir starfsdagar eru að öllu jöfnu haldnir 2svar á ári. Markmiðið með starfsdögunum er að fræðast og að gefa starfsmönnum heimilanna kost á að hafa samráð og deila reynslu.

Að þessu sinni mun Thelma Ásdísardóttir höfundur bókarinnar “Myndin af pabba” segja m.a. frá starfi sínu í Stígamótum og hvernig megi nálgast einstaklinga sem grunur leikur á að hafa orðið fyrir kynferðislegu ofbeldi. Þá mun Þórarinn Viðar Hjaltason sálfræðingur hjá Fangelsismálastofnun fjalla um siðblindu. Bragi Guðbrandsson forstjóri Barnaverndarstofu mun kynna niðurstöður Evrópuráðs um réttindi barna á stofnunum og spáir jafnframt í stöðuna í meðferðarmálum.

Starfsmönnum gefst tækifæri til að ræða hvað sé efst á baugi á Stuðlum og meðferðarheimilunum. Hver staður fyrir sig fær þá svigrúm til að gera grein fyrir sínum hugðarefnum eða stofna til umræðna um hin ýmsu málefni er varða starfsemi þeirra, t.d. um hvað er á döfinni – hvað gengur vel – hvað má betur fara, meðferðarstarfið, skipulagningu, samskipti við hina ýmsu aðila o.s.frv. Að lokum verður farið í heimsókn á Meðferðarheimilin Geldingalæk og Götusmiðjuna Akurhól.

Starfsdagar sem þessir hafa sannað sig hafa mikilvægt gildi fyrir starfsmenn heimilanna, þar sem gefst færi á að skiptast á skoðunum og vega og meta eigið starf í ljósi þess sem aðrir eru að gera við svipaðar aðstæður.

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica