Tilkynningar til barnaverndarnefnda í febrúar
Í febrúar bárust barnaverndarnefndum landsins 524 tilkynningar varðandi 497 börn. Fjöldi tilkynninga í janúar var 585. Tilkynningum hefur því fækkað um 10% milli mánaða.Ef fjöldi tilkynninga er borinn saman við sama mánuð í fyrra kemur í ljós að þeim hefur fjölgað um tæp 32% milli ára (barnaverndarnefndum bárust 398 tilkynningar í febrúar 2005).
65% tilkynninganna (339) komu frá höfuðborgarsvæði en 35% frá landsbyggðinni (185). Af þessum 524 tilkynningum bárust 36 tilkynningar í gegnum neyðarlínuna 1-1-2.
Ástæður tilkynninga skiptust þannig að 26,0% voru vegna vanrækslu, 13,5% vegna ofbeldis, 59,7% vegna áhættuhegðunar barna og 0,8% vegna þess að heilsu eða líf ófædds barns var í hættu.
Flestar tilkynningar komu frá lögreglu og voru 53,4% allra tilkynninga. Um 12% tilkynninga bárust frá skóla/sérfræðiþjónustu/fræðslu- eða skólaskrifstofu en aðeins í 0,6% tilvika leitaði barnið sjálft til barnaverndarnefndar.
Hér má sjá nánari sundurliðun á tilkynningum í febrúar
