Samanburður á fyrstu 9 mánuðum áranna 2005 og 2006
Þegar fyrstu níu mánuðir áranna 2005 og 2006 eru bornir saman kemur í ljós að tilkynningum til barnaverndarnefnda hefur fjölgað úr 3.648 í 4.779 tilkynningar. Aukningin milli ára er 31%. Þessa aukningu má einkum skýra með fjölda lögregluskýrslna. Á fyrstu níu mánuðum ársins 2005 bárust barnaverndarnefndum 1.747 tilkynningar frá lögreglu en á árinu 2006 voru þær 2.659.Tilkynnt var um 3.576 börn á fyrstu níu mánuðum ársins 2005 en fjöldi barna var 4.427 árið 2006. Tilkynnt hefur því verið um 24% fleiri börn á fyrstu 9 mánuðum ársins 2006 en 2005.
Umsóknum um meðferð hefur einnig fjölgað á þessum tímabili. Umsóknir voru 129 á fyrstu níu mánuðum ársins 2005 en 2006 voru þær 146. Umsóknum hefur því fjölgað um 13%. Auk þess hefur umsóknum um fóstur fjölgað úr 79 í 100. Aukningin er 27%.
Hér má skoða sundurliðun á þessum tölum.