Störf þerapista og handleiðara í MST auglýst á næstunni

6 jún. 2008

Vonir standa til að störf þerapista og handleiðara í fjölkerfameðferð (MST) verði auglýst á næstu vikum. Undanfarið hafa staðið yfir viðræður Barnaverndarstofu við nokkur aðildarfélög Bandalags háskólamanna þar sem leitað hefur verið leiða til að aðlaga vinnutímafyrirkomulag MST sem best að íslenskum aðstæðum. Ráðnir verða sálfræðingar í störf handleiðara og fólk með masterspróf úr heilbrigðis- eða félagsgreinum (eða BA próf og sérmenntun) í störf þerapista. MST er vel rannsökuð (gagnreynd) meðferð sem miðar að því að bæta samheldni og samskipti í fjölskyldu og auka þannig líkur á því að unglingar með alvarlegan hegðunarvanda og tilfinningalega erfiðleika geti búið heima hjá sér. Meðferðin fer fram á heimili og í nærsamfélagi fjölskyldunnar.

Þerapistinn sem sinnir fjölskyldunni hefur mikinn sveigjanleika með skipulag vinnunnar en skipulagður vinnutími þarf stundum að vera seinnipart dags og á kvöldin til að mæta þörfum fjölskyldunnar. Jafnframt þurfa þerapistar að vera aðgengilegir fjölskyldunum í síma allan sólarhringinn. Mismunandi útfærslur eru til á þessu aðgengi í síma, allt frá því að sami þerapisti sé aðgengilegur (þeim fjölskyldum sem hann sinnir) allan sólarhringinn sjö daga vikunnar, yfir í það að þerapistar teymisins sinni þessu aðgengi hvor fyrir annan á bakvöktum eina viku í mánuði (þar sem þeir sinna þá öllum fjölskyldum teymisins). Í hverju teymi eru fjórir þerapistar og sinnir hver þeirra að jafnaði ca.. 4 fjölskyldum í senn. Teyminu er stýrt af handleiðara/teymisstjóra sem er faglegur handleiðari og yfirmaður þerapistanna. Handleiðarinn þarf einnig að vera aðgengilegur þerapistunum í síma til ráðgjafar.

Með aðgengi fjölskyldna að þerapistum í síma er fyrst og fremst átt við tilefni þar sem verið er að styðja við og hvetja fjölskylduna á grundvelli áætlunar sem þegar hefur verið gerð á meðferðarfundi. Þerapistinn er því ekki algjörlega bundinn og getur farið á íþróttaæfingar, á fund o.s.frv. og hringt til baka. Reglan með aðgengi í síma er að þerapisti fer ekki á staðinn nema handleiðarinn biðji sérstaklega um það. Þerapistar fara með öðrum orðum ekki í hlutverk lögreglu eða barnaverndarstarfsmanns.
Þerapisti þarf vikulega að skila skriflegum upplýsingum um vinnu sína og sitja faghandleiðslu teymisins með handleiðaranum, sem og í framhaldi að sitja símakonsúlt við MST sérfræðingi. Þerapistar og handleiðarar fá reglulega MST þjálfun og endurmenntun.

Áhugasamir eru hvattir til að kynna sér upplýsingar um MST sem er að finna hér á heimasíðu Barnaverndarstofu og á www.mstservices.com. Einnig að fylgjast með auglýsingum starfanna í dagblöðum á næstu vikum og hér á heimasíðu BVS. Fá má nánari upplýsingar hjá Halldóri Haukssyni sálfræðingi á Barnaverndarstofu í síma 5302600 eða halldor@bvs.is


Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica