Starfsdagur barnaverndarstarfsmanna

24 sep. 2009

Árið 2008 efndu barnaverndarstarfsmenn til starfsdags sem haldin var í Reykjanesbæ að frumkvæði barnaverndarstarfsmanna þar í bæ. Um var að ræða fyrsta starfsdaginn sem boðaður var fyrir alla barnaverndarstarfsmenn á landinu. Barnaverndarstofa hefur undanfarin ár boðað til starfsdags með yfirmönnum barnaverndarstarfs á vegum sveitarfélaga sem hefur gefist afar vel og er ætlaður til að ræða það sem er efst á baugi í málaflokknum hverju sinni. Starfsdagur barnaverndarstarfsmanna snýr einkum að daglegum störfum og þróun á því sviði.

Að þessu sinni mun fagdeild félagsráðgjafa í barnavernd standa fyrir starfsdegi ætluðum öllum barnaverndarstarfsmönnum á landinu. Fjallað verður um líkamlegt ofbeldi gagnvart börnum og samvinnu við lögreglu varðandi vinnslu þessara mála. Markmið starfsdagsins er að koma upp verklagsreglum sem geti stuðlað að markvissari vinnubrögðum og faglegri nálgun í málum þar sem grunur er um líkamlegt ofbeldi gagnvart börnum.

Starfsdagurinn verður haldinn hjá Barnavernd Reykjavíkur í Borgartúni 10-12 þann 16. október nk. frá kl. 9.00-15.00. Sjá meðfylgjandi dagskrá.

Barnaverndarstarfsmenn eru hvattir til að mæta en skráning fer fram fyrir 9. október á netfangið maria.gunnarsdottir@reykjanesbaer.is

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica