Málstofa um barnavernd
Barnaverndarstofa, í samvinnu við Barnavernd Reykjavíkur, félagsráðgjafardeild HÍ og faghóp félagsráðgjafa í barnavernd, stendur reglulega fyrir málstofum þar sem fjallað er um ólík efni er tengjast barnavernd og barnaverndarstarfi. Næsta málstofa verður haldin mánudaginn 27. september og hefst kl. 12.15 í fundarsal Barnaverndarstofu. Efni málstofunnar verður "Mikilvægi forvarna í barnaverndarstarfi" Anný Ingimarsdóttir félagsráðgjafi mun þá fjalla um forvarnarstefnu Sveitarfélagsins Árborgar og aðkomu barnaverndar að því starfi. Forvarnarstefna Sveitarfélagsins Árborgar og aðgerðaráætlun, sem henni fylgir, var samþykkt í bæjarráði þann 10. júlí 2008 og var aðgerðaráætlun nýlega endurskoðuð fyrir tímabilið 2010-2013. Aðgerðir á sviði almennra og sértækra forvarna eru skilgreindar innan tiltekinna aldurshópa frá frumbernsku upp í framhaldsskólaaldur. Aðgerðir eru tímasettar, ábyrgðarmenn og samstarfsaðilar tilgreindir en niðurstöður Rannsókna & greiningar ehf. gegna mikilvægu hlutverki varðandi árangursmat.Málstofan er fyrst og fremst ætluð barnaverndarstarfsmönnum, samstarfsfólki þeirra og þeim sem áhuga hafa á barnaverndarstarfi.
