Átak Evrópuráðsins gegn kynferðisofbeldi á börnum

20 des. 2010

Nýlega hleypti Evrópuráðið af stokkunum átakinu „Eitt af fimm“, sem vísar til þess að rannsóknir í ríkjum Evrópu benda til að allt að eitt af hverjum fimm börnum sæti kynferðislegri áreitni og ofbeldi á bernskuárum. Átakið var kynnt á ráðstefnu fulltrúa aðildarríkjana dagana 29. -30. nóvember í Róm en markmið þess er að auka samfélagsvitund um þennan vanda auk þess að hvetja aðildarríkin, sem nú eru 47 að tölu, til að fullgilda Samning Evrópuráðsins um vernd barna gegn kynferðislegri misneytingu og kynferðisofbeldi (CETS 201), sem tók gildi hinn 1. júlí sl.

Dóms- og mannréttindaráðherra, Ögmundur Jónasson, flutti ræðu á ráðstefnunni og fjallaði m.a. um Barnahúsið og þau straumhvörf sem því fylgdu hérlendis. Þá átti Ögmundur fund með Maud de Boer Buquicchio, aðstoðarframkvæmdastjóra Evrópuráðsins, en við það tækifæri hrósaði hún því fordæmi sem Ísland hefur gefið með starfsemi Barnahúss. Mörg erindi voru flutt á ráðstefnunni, m.a. flutti Bragi Guðbrandsson að beiðni ráðsins erindið „Forvarnir og íhlutun vegna gruns um kynferðisobeldi gegn börnum á stofnunum“. Auk Ögmundar og Braga sótti Helga Gunnarsdóttir, aðstoðarmaður dóms- og mannréttindamálaráðherra ráðstefnuna.

Í viðræðum ráðherra við frú Buquicchio kom fram að unnið er að undirbúningi fullgildingar á Evrópusamninginum og að því sé stefnt að leggja fram frumvarp sem miði að því á yfirstandandi þingi. Þá er til athugunar með hvaða hætti staðið verði að þátttöku Íslands í hinu alþjóðlega átaki til verndar börnum gegn kynferðisofbeldi.

Átak Evrópuráðsins er liður í umfangsmiklum og fjölþættum aðgerðum ráðsins til að styrkja og efla réttindi barna á ólíkum sviðum samfélagsins -„Europe for and with Children“, sem hefur staðið yfir síðustu ár. Til fróðleiks má geta þess að þessum aðgerðum stýrir nú Regína Jensdóttir, lögfræðingur, sem starfað hefur lengi við góðan orðstýr hjá Evrópuráðinu.

Frekari upplýsingar um átak Evrópuráðsins má lesa hér

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica