Hinn launhelgi glæpur!
Opni háskólinn í HR, í samstarfi við Embætti landlæknis, Fangelsismálastofnun ríkisins og Réttindi barna, stendur fyrir námskeiði um kynferðisbrot gegn börnum föstudaginn 29. nóvember nk.
Námskeiðið skiptist í þrjá hluta. Í þeim fyrsta verður fjallað um rannsókn og meðferð þessara mála í refsivörslukerfinu, sönnunargögn og sönnunarmat dómstóla. Viðfangsefni annars hluta er gerendur brotanna, greining á áhættuþáttum, meðferðarúrræði, fyrirbyggjandi aðgerðir og æskileg viðbrögð refsivörslukerfisins. Í þriðja þætti verða þolendur brotanna til umfjöllunar. Börn sem vitni, afleiðingar brotanna á heilsu þolendanna og birtingarmyndir þeirra. Þá verður skýrt frá nýjum íslenskum rannsóknum á þessu sviði.
Tími: Kennsla fer fram föstudaginn 29. nóvember frá kl. 8:30 - 17:00.
Lengd: Samtals 8 1/2 klst.
Staðsetning: Opni háskólinn í HR, Menntavegi 1, 101 Reykjavík, Mars-álma, 2. hæð.
Athugið að skráningarfrestur rennur út 22. nóvember.
Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.
- Dr. Berglind Guðmundsdóttir, yfirsálfræðingur sálfræðiþjónustu geðsviðs Landspítala
- Dr. Bryndís Björk Ásgeirsdóttir, lektor við sálfræðisvið HR
- Ólafur Örn Bragason, réttarsálfræðingur í teymi Barnaverndarstofu um mat og meðferð unglinga sem sýna óviðeigandi kynhegðun
- Sigurður Tómas Magnússon, prófessor við lagadeild HR
- Stefán Eiríksson, lögreglustjóri á höfuðborgarsvæðinu og stundakennari við lagadeild HR
- Svala Ísfeld Ólafsdóttir, dósent við lagadeild HR
- Þorbjörg Sveinsdóttir, MSc í sálfræði og sérhæfður rannsakandi í Barnahúsi
- Þórarinn Viðar Hjaltason, sálfræðingur og forstöðumaður Stuðla, greiningar- og meðferðarheimilis fyrir börn og ungmenni á aldrinum 12
Hér er hægt að skrá sig á námskeiðið!
