Alþjóðlegi geðheilbrigðisdagurinn 10. október

7 okt. 2008

Alþjóðlegi geðheilbrigðisdagurinn er sameiginlegur vettvangur allra þeirra sem starfa að geðheilbrigðismálum hér á landi. Talið er að fjórði hver einstaklingur fái geðsjúkdóm einhvern tíma á lífsleiðinni og er algengt að þetta gerist þegar einstaklingar eru undir miklu álagi. Því má leiða að því líkum að hlutfallslega fleiri veikist þegar óvissuástand ríkir, líkt og það sem við búum við í þjóðfélaginu nú.

Þema dagsins
Undirbúningshópur geðheilbrigðisdagsins komst að þeirri niðurstöðu að megin áhersla ársins 2008 yrði á geðheilbrigði ungs fólks. Þar sem reynslan sýnir að forvarnastarf heppnast best ef nógu fljótt er gripið inn í. Auk þess sem talið er að þarfir þessa hóps og það andlega álag sem hann er undir hafi e.t.v. verið vanmetið.

Yfirskrift dagsins í ár er: ,,Hlúðu að því sem þér þykir vænt um." Þetta er jafnframt annað geðorðið, í röð geðorðanna tíu. Reynslan og rannsóknir sýna að uppbyggileg samvera gegnir lykilhlutverki í öllu forvarnastarfi og telja aðstandendur dagsins að geðorð tvö eigi vel við um uppbyggilega samveru foreldra og barna.

Dagskrá geðheilbrigðisdagsins
Dagskrá verður í Perlunni frá kl. 16 - 18 föstudaginn 10. október. Forseti Íslands, Ólafur Ragnar Grímsson, opnar dagskrá dagsins formlega og er hann jafnframt verndari dagsins. Síðan verður sambland af skemmtiatriðum og erindum sem tengjast málefninu. Að auki mun formaður velferðarráðs Reykjavíkur, Jórunn Frímannsdóttir, kynna stefnu borgarinnar í geðheilbrigðismálum í kjölfar yfirfærslu málflokksins frá ríki til sveitarfélags.

Nánari upplýsingar um dagskrá eru á: www.10okt.com

Samhliða dagskrá munu helstu aðilar sem koma að geðheilbrigðismálum á Íslandi kynna starfsemi sína. Fulltrúar þeirra verða með kynningarborð í Perlunni og taka á móti fyrirspurnum.

10okt.com
Heimasíða geðheilbrigðisdagsins var formlega opnuð á blaðamannafundi í Hagaskóla mánudaginn 6. október. Gert er ráð fyrir að vefsíðan verði í framtíðinni byggð upp og þróuð í samstarfi við ungt fólk, með það í huga að sinnt verði þörfum þeirra um geðræktarfræðslu og skipulagningu geðræktarviðburða. Samstarfsaðilar 10okt.com, Samtök íslenskra félagsmiðstöðva (Samfés) og þjónustumiðstöð Vesturbæjar, munu taka þátt í þessarri vinnu. Elín Eyþórsdóttir söngkona, sem tekur þátt í dagskránni 10 október, opnaði síðuna með því að skrá á hana fyrsta viðburðinn í geðræktarátakinu ,,eitt í einu einu”.

Skipuleggjendur geðheilbrigðisdagsins
Skipuleggjendur geðheilbrigðisdagsins í ár eru Barnaverndarstofa, Barna- og unglingageðdeild Landsspítalans (BUGL), Geðhjálp, Hugarafl, Klúbburinn Geysir, Landlæknir, Lýðheilsustöð - Geðrækt, Fulltrúi notenda á Geðsviði Landspítalans, Samfés, Umboðsmaður barna og Velferðarsvið Reykjavíkurborgar.

Hér má sjá auglýsingu fyrir alþjóðlega geðheilbrigðisdaginn.

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica