Ráðning forstöðumanns í Barnahúsi
Margrét útskrifaðist með meistaragráðu í klínískri sálfræði frá Háskólanum í Árósum í Danmörku 2003. Hún starfaði sem sálfræðingur í Götusmiðjunni, meðferðarheimili fyrir unglinga 2003-2005. Margrét hefur starfað í Barnahúsi frá 2006 sem sálfræðingur og sérhæfður rannsakandi (e. forensic interviewer) og hlotið til þess viðeigandi þjálfun í Bandaríkjunum. Hún tók við starfi forstöðumanns Barnahúss í september 2021, en var ráðin í síðasta mánuði. Margrét hefur jafnframt verið sjálfstætt starfandi sálfræðingur hjá Sálfræðiráðgjöfinni frá 2007.
