Nýlega fékk GenerationPMTO (bandaríska nafnið á PMTO) hæstu einkunn í Bandaríkjunum í gagnagrunni sem nær til gagnreyndra úrræða sem eru viðeigandi við vinnslu mála innan barnaverndar.
CBCE (California Evidence Based Clearinghouse for Child Welfare) er bandarískur gagnagrunnur sem safnar saman og metur meðferðarúrræði sem beinast að börnum, unglingum og fjölskyldum innan barnaverndar. Markmiðið er að stuðla að áhrifaríkri innleiðingu og gagnreyndum aðferðum fyrir börnin og fjölskyldur þeirra.
CEBC hefur farið í gegnum þær rannsóknarniðurstöður sem fyrirfinnast og metur að PMTO fái hæstu einkunn, sem er „1- Well-Supported by Reasearch Evidence“. Samtímis fær PMTO hæstu einkunn varðandi úrræði sem eiga mjög vel við í barnaverndarmálum.

Í grein á mbl.is þann 11. desember sl.  eru tekin viðtöl við foreldra sem þegið hafa PMTO úrræðið. (Parent Management Training Oregon á íslensku Foreldrafærniþjálfun) Þessir foreldrar segja að þetta hafi breytt miklu í lífi þeirra. Einnig er rætt við Margréti Sigmarsdóttur forstöðumann miðstöðvar PMTO hjá Barnaverndarstofu og Arndísi Þorsteinsdóttur sem starfar hjá miðstöðinni. Heiða Björg Pálmadóttir starfandi forstjóri Barnaverndarstofu kemur einnig með innlegg í greinina.