Barnaverndarstofa opnar nýtt meðferðarheimili
Meðferðar- og skólaheimilið Lækjarbakki hefur starfsemi föstudaginn 27. ágúst 2010 á jörðinni Geldingalæk á Rangárvöllum. Um er að ræða ríkisrekið meðferðarheimili þar sem starfsmenn vinna á vöktum. Forstöðumaður heimilisins er Yngvi Karl Jónsson en hann hefur lokið BA námi í sálfræði og MA í ráðgjöf og hefur langa reynslu af meðferðarstarfi. Auk hans starfa á heimilinu tólf einstaklingar með fjölbreytta menntun og reynslu.Meðferðin er einstaklingsbundin og miðar að þörfum unglinga sem eiga við alvarlegan hegðunarvanda að stríða, s.s. afbrot, fíkniefnaneyslu, skólavanda og félagslegan vanda af ýmsu tagi. Stuðst er við aðferðir sem byggja á hugrænni atferlismeðferð auk þess sem áhersla er á þjálfun í félagsfærni, sjálfstjórn og félagsvænum viðhorfum þ.e. ART-þjálfun. Kennsla fer fram á heimilinu á vegum Grunnskólans á Hellu. Unnið er í nánu samstarfi við nærumhverfi unglings og tekur meðferðin á Lækjarbakka allt að sex mánuði, en þá tekur við eftirmeðferð, sem getur varað í allt að þrjá mánuði.
Nánari upplýsingar um meðferðar- og skólaheimilið Lækjarbakka má nálgast hér.
